Ministri i Rendit, Saimir Tahiri ka deklaruar se protestuesit nuk do të pengohen të qëndrojnë në shesh edhe përtej orarit të orës 16.00.
Madje ai ka theksuar se policia do të lejojë protestuesit të ngrenë çadrat në shesh dhe të qëndrojnë deri kur të duan, pavarësisht lejes së dhënë deri për në orën 16.00
Tahiri tha se “ne do të kujdesemi për qytetarët dhe nuk i vrasim ata”.
Ky reagim i kreut të Rendit, që padyshim është një zgjedhje e Ramës, tenton ta mbajë të çarmatosur opozitën, e cila në kushtet ku ndodhet, nën efektin e adrenailës politike, mund të shpërthejë në rastin më të parë nëse has në ndonjë rezistencë me prapavijë qeveritare. /tesheshi.com/
