Bashkimi Europian ka vendosur me “dorë të hekurt” për Shqipërinë dhe Maqedoninë që të marrë situatën duke ngritur një zyrë të posaçme dhe të emërojë një Përfaqësues të Lartë për Krizën.
Ndërsa në Maqedoni është caktuar ish-ministri i Jashtëm suedez, Carl Bild, ka shumë gjasa që një tjetër figurë e rëndësishme europiane të caktohet në Shqipëri. Bëhet fjalë për gjermanin Gehrt Ahrens i cili ka shërbyer edhe si shef i misionit të OSBE-së në Tiranë gjatë viteve 2000.
Ndërkaq, më datë 24 prill vjen në një mision final kreu i Komisionit të Jashtëm të Parlamentit Europian , David Mcallister, i cili mësohet se ka marrë një sinjal nga Partia Demokratike për të hapur rrugë në zgjidhjen e krizës.
Ai vjen me një formulë të gatshme kompromisi që është zgjedhja e një presidenti nga ana e Partisë Demokratike, që mund të propozojë një figurë që do të marrë konsensusin paraprak të Partisë Socialiste.
Mësohet se edhe BE këtu do të ketë rolin e saj, pasi do të përkrahë emrin e Majlinda Bregut si një mundësi që do të bashkojë palët.
Do të jetë Presidentja e re që do të japë garanci për zgjedhjet duhet pasur parasysh rolin e kreut të Sigurisë Kombëtare dhe kontrollin që mund të ketë në Ministrinë e Brendshme.
Por siç mësohet, Mcallister nuk do t’i ofrojë shumë alternative PD-së; nëse ajo do të vazhdojë të kërkojë qeveri teknike dhe shtyrjen e zgjedhjeve në mënyrë të palëvizshme, Mcallister do të mbajë një deklaratë të menjëhershme ku do të shpallë vendimin e Brukselit për të vendosur një Zyrë të Posaçme apo tip protektorati deri në zbatimin e Reformës në Drejtësi.
PD-së ka rrezik që të paralajmërohet zyrtarisht për përjashtimin nga PPE dhe më pas me 10 deputetë të PD-së që kanë qëndrim ndryshe nga Lulzim Basha mund të lidhet një partneritet.
Bëhet fjalë pikërisht për deputetët që nuk kanë shkuar në çadër, ku më shumë në sy kanë rënë Majlinda Bregu dhe Eduard Selami.
Nëse ndodh varianti dramatik, pra ai i ndarjes së negociatorit të dërguar nga Angela Merkel në Tiranë me Lulzim Bashën, atëherë pritet që gjërat të precipitojnë shpejt: president e re do të zgjidhet Majlinda Bregu dhe mund të krijohet një qeveri e re deri në zgjedhje ku rol të rëndësishëm do të ketë opozita e re tashmë që do të shpallë divorcin nga çadra. Thuajse i njëjti skenar ka ndodhur edhe në Maqedoni.
Maqedonia
I dërguar i special i Bashkimit Europian për Maqedoninë, ish-shefi i diplomacisë suedeze, Carl Bild, i cili ka qenë edhe emisar special gjatë luftës në ish-jugosllavi dhe ish-Guvernator i Bosnjës, tha se BE po shqyrton mundësinë e një administrimi i të Maqedonisë nga BE-ja në formën e një protektorat i që do të përkrahet nga shumica e vendit e që pasqyrohet me mazhorancën parlamentare e cila pengohet të qeverisë.
Gjatë vizitës së tij 24-orëshe në Shkup, i dërguari i special Carl Bild ka injoruar shkaktarin e krizës, presidentin Gjeorgje Ivanov, duke thënë se nuk ka kohë ta takojë.
Ai mbërriti në Shkup pa axhendë për Ivanovin dhe mediat pranë tij e sulmuan dhe thanë se presidenti nuk e pret; por i menjëhershëm ka qenë reagimi i tij.
“Dëgjova edhe pse më herët nuk e dija se Presidenti Gjorge Ivanov nuk do të takohet me mua. Jam i lumtur për shkak se nuk kam shumë kohë. Kështu që edhe sikur të donte ai të takoheshim, nuk do të kisha kohë, pasi kisha impenjime me lojtarët kryesorë në skenën politike”, deklaroi Bild.
Politikani i njohur suedez e dha këtë deklaratë pas takimit me liderin e BDI-së, Ali Ahmeti.
Ai shtoi se vetëm respektimi i demokracisë, Kushtetutës dhe Evropës do ta çojnë Maqedoninë përpara.
Presidenti i Maqedonisë, Gjorge Ivanov, ashtu si dhe Edi Ramën, akuzoi Bild se “ai ka qasje jo-objektive ndaj gjendjes së brendshme politike në Maqedoni, por edhe për shkak të përpjekjeve të tij direkte për t’u përzier në punët e brendshme të Maqedonisë”.
Vizita e tij bëhet në kohën kur kriza politike ka arritur kulmin. Presidenti s’e jep mandatin për formim të qeverisë, ndërsa parlamenti është i bllokuar; qeveria është teknike, ku ndërkaq, me skadimin e afatit për mbajtjen e zgjedhjeve lokale do të bllokohen edhe Komunat.
Carl Bildt, pak ditë më parë tha se “luftërat s i ato përpara 27 viteve në Ballkan nuk mund që të përsëriten, megjithatë, është i shqetësuar se ngadalë, por sigurt ky rajon u bë i brishtë dhe se shkëndija mund të kthehet në zjarr”.
Gjatë Samitit të Partisë Popullore Evropiane (PPE), Bildt tha se “partia qeverisëse maqedonase (VMRO-DPMNE) po luan me zjarrin në rajon. A do të reagojë PPE?”.
Bildt ka shpërndarë në rrjetin social “Twitter” postimin e ish- ministrit ministrit të Mbrojtjes së Bullgarisë dhe ambasadorit të Bullgarisë në NATO, Belgjikë dhe Luksemburg, Bojko Noev, i cili në një intervistë theksoi se “Maqedonia urgjentisht të kërkojë mision preventiv dhe stabilizues të Bashkimit Evropian në vend”.
Bildt e ka shpërndarë duke shtuar se “vendosja e misionit paqësor të Bashkimit Evropian në Maqedon i është një hap radikal, por nëse gjendja përkeqësohet, duhet të kihet parasysh edhe mundësia e tillë”. /tesheshi.com/
