Të përqëndruar të gjithë tek ajo çfarë ndodh brenda çadrës së protestës së opozitës, pakkujt i ka shkuar mendja tek vetë çadra.
Sipas të disa të dhënave, çadra nën të cilën janë ngujuar prej së shtunës krerë të opozitë dhe militantë demokratë, është e njëjta e përdorur në dasmën e djalit të Ylli Ndroqit, presidentit të Ora News si dhe ceremonisë së 10-vjetorit të UET-it.
Atë e disponon një kompani e cila e jep me një vleftë jo të vogël në përdorim. Dhe duke iu referuar rasteve të mëparshme, ajo ka kushtuar deri në 7 milion lekë përdorimi ditor.
Nëse do i jetë dhënë kaq dhe PD-së, i bie pra që nga fondi i kësaj partie, ose i ndonjë “xhepi filantropik” pranë opozitës, të paguhet në ditë një shumë jo e vogël. Dhe sipas përllogaritjeve të deritanishme, në 5 ditë i bie që të jenë paguar 35 milion lekë.
Ndërkohë, protesta nuk dihet sa do zgjasë, e po ashtu sa do jetë shuma që do paguhet. Vetëmse në një rast të tillë, kompania që e ka dhënë çadrën me qera – në mos e pastë dhuruar dhe falas nga ndonjë rrethanë biznesi e politike bashkë – të lutet që vendosmëria opozitare për zgjedhje të lira pa Edi Ramën kryeministër të jetë e pathyeshme; pra, që protesta të zgjasë sa më shumë, si një rast fatlum për të bërë një dorë të mirë parash. /tesheshi.com/
