Ideja e çadrës së kampingut brenda në dhomë është e këshilluar nga psikologët si një mënyrë e mirë për të kaluar kohën, sidomos në ditët e ftohta të dimrit, kur nuk ekziston mundësia për të luajtur jashtë.
Fëmijëve u pëlqen që të kenë një vend të veçuar, vetëm për ta. Çadra mund të shërbejë si një vend për t’u fshehur, për të pushuar, për të lexuar dhe për të kryer aktivitete të tjera argëtuese.
Çadra të tilla mund të blihen në dyqanet për piknik dhe kampingje, por mund të përgatitet dhe vetë. Mjafton një çarcaf i madh, një fund pishine për bazën ose tapet i vogël, tre ose katër shkopinj (mund të përdoren shkopinj fshesash të vjetra), fije me gjilpërë, ngjitëse dhe disa jastëkë. /tesheshi.com/
