Dje u regjistrua incidenti i parë në atë që mund të konsiderohet parafushata elektorale për zgjedhjet e përgjithshme parlamentare në Maqedoni. Në Haraçinë të Shkupit, një fshat namëmadh shqiptar ky, u thyen xhamat e zyrës së shtabit elektoral të LSDM-së, partisë kryesore opozitare të udhëhequr nga Zoran Zaev.
Dhe siç është bërë e njohur, kjo parti ka në radhët e saj tek listat për deputetë dhe dy figura shqiptare, ku dallon gazetari i njohur Muhamed Zekiri. Dhe ishte pikërisht ky i fundit që reagoi ndaj incidentit, duke ia faturuar atë pushtetit aktual.
“Thyerja e xhamave të Shtabit të LSDM-së në Haraçinë nuk është asgjë tjetër përveçse një akt qyqar i kundërshtarëve politik të cilët e kanë të qartë se do të pësojnë humbje të thellë në zgjedhjet e 11 dhjetorit. Në bashke me anëtarët dhe përkrahësit tanë në Haraçinë nuk do të biem pre e provokimeve të këtilla të ulëta vetëm. Ua bëjmë me dije kundërshtarëve tanë politik se nuk mund ata të thyejnë shtabe tona sa ne mund të jemi të durueshëm. Në mënyrën më të mirë do t’iu përgjigjemi më 11 dhjetor me armën tonë më të fuqishme VOTËN!!!”, shkruan Zekiri në llogarin e tij të “Facebook-ut”.
Shqiptarja tjetër në radhët e LSDM-së është profesoresha Gjylymsere Kasapi. /tesheshi.com/
