Mushkonjat janë kudo dhe me pickimin e tyre gjakpirës, duket se më shumti i shënjestrojnë fëmijët. Për t’i shpëtuar këta të fundit nga sulmet e tyre, së pari duhet të provoni zgjidhjet natyrore para se të filloni “spërkatjen” me preparate të ndryshme.
Ekspertët rekomandojnë që të vishen rroba të ndritshme, sepse mushkonjat i tërheq ngjyra e errët.
Shmangni pastrues dhe zbutës lavanderi me erëra të ëmbla dhe me shije fruti, për shkak se “ngjiten” pas tyre, ndërkohë që ikin nga uthulla, kështu që është mirë që t’i lyeni fëmijët me të në mënyrë të lehtë para se ata të dalin përjashta për të luajtur.
Në dhomën e gjumit vendosni rrjeta në dritare, dhe nuk është ide e keqe nëse vendosni një saksi me borzilok, sepse era e tij dëbon insektet.
Limoni gjithashtu është një zgjedhje e mirë. Prejeni atë në gjysmë dhe ato do të largohen nga dhoma brenda natës.
Në qoftë se ju vendosni të blini një spray, patjetër sigurohuni që ai të jetë për fëmijë dhe lexoni me kujdes udhëzimet. /tesheshi.com/
