Gjatë diskutimeve për ngritjen e Byrosë Kombëtare të Hetimit, Kryeministri Edi Rama nuk ka kursyer akuzat ndaj opozitës, duke e cilësuar si një opozitë pa vizion, pa të ardhme dhe të shpërlarë nga bojërat e së shkuarës.
“Kush nuk miraton reformën në drejtësi do të përvëlohet para gjykatës së popullit në votime. Do të shpartalloheni siç nuk jeni shpartalluar as në 2013 e as 2015. Jeni pa bojë, nuk keni asnjë lloj boje në raport me të vërtetën dhe publikun shqiptar. Keni dy vjet e gjysmë që s’keni marrë asnjë masë t’i ktheni bojën partisë së shpartallua”, – ka thënë kreu i qeverisë.
Ndërsa foli për Byronë e Hetimeve, ai deklaroi se kjo ka qenë në programin e Partisë Socialiste para se të fitonte zgjedhjet. Kryeministri pranoi ekzistencën e një drafti të dakodësuar, por që tashmë do të jetë pjesë e reformës në drejtësi. /tesheshi.com/
