Ndër lajmet e këtoditshme në Kosovë, ka qenë dhe ai i kalimit në katolicizëm të një banori të Drenasit me emrin Ragip. Kjo ka ndodhur në një kishë të Llapushnikut, ku Ragipi është bërë Arbër.
Gjykuar nga emri, konvertimi i tij më shumë se fetar duket se është nacional. Aq më tepër që ai nuk është nga ata që ka qenë musliman në besim.
Këtë ka sqaruar një hoxhë kosovar, Eroll Nesimi, teksa shkroi:
“….ai i cili e ka shijuar kënaqësin e Islamit, kënaqësin e namazit, agjërimit, Kuranit etj, asnjëherë nuk e braktis fenë e tij.
Kurse ai i cili ka qen musliman vetëm me letërnjoftim (musliman i ka shkruar vetëm në dokument) dhe asnjëherë nuk ka fal namaz, as nuk ka agjëru (d.m.th nuk ka praktiku asgjë nga Islami), nuk e di çfarë feje paska ndërru ky”.
Ndërkohë, në këtë debat është përfshirë dhe Berat Buzhala, me një status të tij, të cilit i është përgjigjur hoxha i njohur i Drenasit.
