Kryeministri Rama ka rrëzuar akuzat e rivalit Basha, sipas së cilit pas buxhetitë 2018-ës fshihet pastrimi i parave të fituara nga kanabisi, referuar dhe projektit të investimeve “1 miliard”. Duke folur në konferencën me temë “Bankat dhe rritja ekonomike”, shefi i qeverisë shqiptare u mbrojt duke iu drejtuar të pranishmëve:
“Tani ju të gjithë këtu jeni në duart e krimit. Jo vetëm ata që janë me kufje, por dhe ata që janë pa kufje. Është të qeshësh dhe të qas! Këto janë sinjalet më dëmtore për kosnumatorin dhe opinionin në tërësi. Unë dua tu them të gjithë atyre që janë të detyruar të dëgjojnë të tilla shpërthime të imagjinatës të qeshin e jo të qajnë. Të qeshin, sepse realiteti ekonomik i cili pasqyrohet më së miri në çehren e sistemit bankar është optimist”.
Për Ramën madje është e kundërta:
“Nëse ka një program ku mund të diskutohet pastëria e të ardhurave është ky program. Nuk ka shans që të mund të pastrohen paratë e krimit me sistemin bankar. Bankat janë të ftuara me këtë proces ku ne presim një zhvillim të rëndësishëm. Banka e Shqipërisë është model rrezatues për çdo institucion të pavarur”, theksoi kryeministri. /tesheshi.com/
