Butrinti: “A e dini se…” pyet dhe përgjigjet Arkivi i Shtetit

Butrinti ka qenë e mbetet siti arkelogjik më i famshëm në Shqipëri, me vizitueshmërinë më të lartë dhe një ndër reklamat më të forta të Shqipërisë turistike.

Një zbulim italian në vitet ‘20-’30 me autor të famshmin Ugolini, Butrinti që ahere do kishte vizitueshmëri turistike.

Bëhet me dije ky fakt nga një e dhënë arkivore.

 “A e dini se qindra turistë vizitonin qytetin e lashtë të Butrintit në vitet ‘30?

Parku Kombëtar i Butrintit është një nga zonat më të rëndësishme të trashëgimisë sonë kulturore.

Midis mureve të qytetit, muzeut, kështjellave dhe teatrove shkruhet historia e qytetit antik.

Në vitin 1935 Zyra Turistike nëpërmjet shkresës bashkëlidhur, njoftonte ardhjen e 400 turistëve të huaj për të vizituar gërmimet arkeologjike të Butrintit.

Po ashtu, jepeshin udhëzimet e duhura për lehtësimin e masave për pritjen e turistëve dhe përjashtimin e tyre nga taksat e qytetit”, thuhet nga Arkivi Shtetëror. /tesheshi.com/