Edhe media prestigjoze Al Jazeera, i ka kushtuar një shkrim vënies së një busti të Hillary Clinton-it në Sarandë, një gjest paksa i habitshëm, pasi ish-kryediplomatja amerikane dhe njëherësh kandidatja për presidente e SHBA, nuk patur ndonjë lidhje direkte ose indirekte me këtë qytet shqiptar; e siç thonë këto ditë qytetarët e atyshëm, “ajo as që e di ku bie Saranda”.
Por shkrimi i Al Jazeera-s, zbulohen dhe arsyen se pse zonja në trend e politikës amerikane u përzgjodh të ketë një bust në bregdetin jonian shqiptar, në Sarandë. Paska një thënie të saj mbi miqësinë amerikano-shqiptare, dhe kjo qenka arsyeja bazë e ngritjes së bustit aty.
“Qyteti shqiptar i Sarandës ka ngritur një bust për nder të kandidates demokratike për president të SHBA, Hillary Clinton.
Skulptori Idriz Balani ka përdorur tri fotografi të saj, në mënyrë që buzëqeshja, flokët dhe qëndrimi të duken sa më autentike.
Inspirim për të kanë qenë fjalët e saj se SHBA dhe Shqipëria do të jenë miq edhe për 100 vjet tjera.
Dy ish-presidentë amerikanë, po ashtu kanë statujat e tyre në Shqipëri.
Woodrow Wilson ka statujë në kryeqytetin Tiranë për shkak të ndihmës së tij në themelimin e shtetit të ri shqiptar.
Ndërsa George W. Bush-it i është ngritur një statujë në Fushë Krujë pas vizitës së tij në Shqipëri në vitin 2007
Mund të ketë shumë njerëz që e urrejnë Hillary Clinton-in në SHBA, por po ashtu ka shumë njerëz të cilët e duan atë në Shqipëri”, përfundon video-rrëfimi i Al Jazeera-s. /tesheshi.com/
