Qeveria e Tiranës nuk tërhiqet nga emërimi i Visar Zhitit ambasador. Kreu i diplomacisë Ditmir Bushati, tha në ‘Tonight’ të gazetares Ilva Tare, se Zhiti do emërohet me patjetër, por kësaj rradhe pa e përcaktuar nëse në Vatikan apo gjetkë. Ai tha se për këtë, do ketë një komunikim me median ditëve në vijim. Bushati mohoi kategorisht aludimet e disa zërave opozitarë së me emrin e Zhitit qeveria po kërkon të spekulojë politikisht. Përkundrazi, sipas Bushatit, me një emër të tillë që ka integritet të lartë, qeveria nuk mund të luajë aspak. E çuditshme është se, ky reagim i nuk qe në rastin e emërimit të Leonard Demit ambassador të NATO-s në Bruksel. Sa për komentet e kryeministit grek Tcipras lidhur me Shqipërinë, Bushati u mjafua të thotë se për çdo çështje të mbetur pa u zgjidhur, qeveria e pret shefin e qeverisë së Athinës që ai së shpejti të vijë në Tiranë.
