Ministri i Jashtëm i Ukrainës, Pavlo Klimkin, i cili ka mbërritur në Tiranë për një vizitë zyrtare përmendi Krimenë si një justifikim përse ky vedn nuk e ka njohur Kosovën por ka marrë një përgjigje therëse nga homologu i tij.
“Ne nuk kemi vepruar kundër shtetit të Kosovës, pavarësisht se nuk e kemi njohur si shtet. Por është një çështje që ka të bëjë me ndarjen e Krimesë nga Ukraina. Kemi në vëmendje rritjen e bashkëpunimit të mëtejshëm në të ardhmen. Një vit më parë unë vizitova Shqipërinë dhe ju përgëzoj për atë çka shoh sot dhe për mundësitë që po i jepni Shqipërisë.
Jam i nderuar që ndodhem këtu në këtë vizitë.”-tha Klimkin.
Ndërsa Bushati u shpreh: “Të krahasosh këto dy situata është si të barazosh mollën dhe portokallin dhe nuk do të ketë asnjë lloj dyshimi për ne dhe as një lloj tulatje nga propaganda që mund të vijë ngado që vjen dhe ngado që kjo propagandë adresohet.
Shqipëria është e palëkundur për të qenë një vend inspirues i politikës së mirë të drejtë dhe të ndershme mbi bazën e ndërsjellët me fqinjët tanë dhe është një vend i cili do të vazhdojë të kultivojë këtë përqasje në rajon.
Është një vend i cili ka shfaqur qartë, hapur të gjitha pozicionet dhe pikëpamjet në lidhje me disa çështje të mbartura, të cilat duam t’i zgjidhim dhe t’i trajtojmë në kuadër të vlerave evropiane dhe parimeve ndërkombëtare, të cilat nuk njohin as gjuhën e kërcënimit dhe as konsumin e brendshëm për çfarëdo lloj rrethane që mund të jetë ky konsum.”
/tesheshi.com/
