Ministri i Jashtëm, Ditmir Bushati i cili ndodhet në Nju Jork si pjesë e delegacionit shqiptar në asamblenë e Përgjithshme e Kombeve të Bashkuara, deklaroi në një intervistë për Zërin e Amerikës, se Shqipëria është e përgatitur për të gjithë skenarët në krizën e refugjatëve në Europë. Ai pohoi se me afrimin e dimrit mund të jetë ndryshim të itinerarit të refugjatëve që synojnë BE-në, e Shqipëria mund të jetë pjesë e këtij rrugëtimi.
“Natyrisht, ne jemi një vend me kapacitete të kufizuara, por jemi përgatitur për të gjitha skenaret, në bashkëpunim edhe me organizata ndërkombëtare të specializuara në këtë fushë, sepse siç e thatë ju me të drejtë, mund të ekzistojë një propabilitet, që me afrimin e dimrit, të kemi një ndryshim të kanaleve, apo të rrugëve migratore”, tha Bushati.
Sipas tij, javën e ardhshme do të ketë një takim në Luksemburg me vendet e BE-së dhe vendet kandidate në nivel ministrash të jashtëm dhe të punëve të brendshme.
Në këtë takim do të diskutohet një përqasje përqasje edhe më e qartë ndaj krizës, mënyrën se si do të bashkëpunojnë vendet me njëri tjetrin në këtë drejtim.
“Siç shihet, kjo do të jetë një krizë afatgjatë, përsa kohë që rrënjët e kësaj krize nuk janë adresuar ende plotësisht dhe përsa kohë ka zhvillime të përditshme në terren, siç ishte edhe ndërhyrja e papritur e Rusisë në Siri”, përfundoi ai. /tesheshi.com/
