Mjekët kanë nisur paralajmërimet masive të rreziqeve nga konsumi i tepërt i pijeve energjike, pasi një burrë 50-vjeçar, i cili konsumonte rreth 5 shishe në ditë, u diagnostikua se ishte infektuar nga hepatiti akut.
Ekspertët thonë se pacienti i tyre, një burrë në mesomoshë, u dërgua në spital me dëmtime të rënda në organe të ndryshme jetësore.
Burri, emri i së cilit nuk është bërë publik nga mjekët, tha se kishte nisur të vuante nga anoreksia dhe dhimbje të shumta të pjesës abdominale, pasi nisi të konsumonte 4-5 kanaçe me pije energjike çdo ditë, në mënyrë që të kishte energji ndërsa ishte në punë.
Ai kishte përzierje dhe të vjella. Fillimisht mendoi se këto simptoma i dedikoheshin gripit apo ndonjë ftohjeje të mundshme, por u alarmua pasi vuri re që lëkura e tij po bëhej si e verdhë.
Mjekët e University of Florida College of Medicine treguan publikisht rastin dhe u shprehën se këto ishin simptoma të hepatitit akut, një sëmundje e rëndë për zhvillimin e jetesës.
Hepatiti zakonisht shkaktohet nga konsumi i tepërt i alkoolit apo përdorimi i drogës, por pacienti tregoi se ai nuk konsumonte asnjëherë alkool apo cigare, e aq më pak drogë.
Zakoni i tij ishte konsumi i pijeve energjike. Sipas mjekëve, shkaktari kryesor i hepatitit është overdoza me vitaminën B3, e njohur si niacin, e cila gjendet në përqindje të lartë tek pijet energjike./tesheshi.com/
