Një burrë i pastrehë arriti të gjente punë pasi një njeri i panjohur postoi një fotot të tijën në një faqe në Facebook.
Sherryn Jackson, një grua nga Melburni ishte duke ecur në qendrën e qytetit ditën e hënë, kur pa burrin e pastrehë në anë të rrugës. Burri, emri i së cilit ishte Barry, u zhvendos më pas nga Melburni për në Perth, një tjetër qytet, pasi gruaja arriti ti gjente punë.
65-vjeçarin Barry e kishin pushuar nga puna dhe ai kishte ngelur pa para e pa një strehë. Në këtë gjendje u detyrua të kalonte plotë tre javë në rrugë, në të ftohtë, por duket se kurrë nuk e humbi shpresën për të gjetur një punë, në mënyrë që të mund të ushqehej.
Ai shkroi një apel për ndihmë në një karton dhe falë gruas kalimtare, ai më në fund ia arriti. “Nuk bëj të tilla gjëra zakonisht, por ditën e hënë, pas orës 3 pasdite, ndalova dhe bëra një bisedë të shkurtër me Barryn. Ai ishte i pastër, me një pamje fisnike dhe dinte ta prezantonte veten mirë. Ai më dha edhe referenca të vendeve ku kishte punuar më parë”, – tregon Sherryn.
Ajo e këshilloi burrin që të shkruante edhe numrin e tij të telefonit në kartonin ku kishte bërë apelin, e më pas i bëri një foto, në mënyrë që të mund ta ndihmonte. Ajo nisi të shikonte për kompani të ndryshme që do të mund të punësonin Barryn me shpresën se dikush do t’i jepte një mundësi.
Menjëherë shumë njerëz u treguan të gatshëm për të punësuar burrin e pastrehë dhe pa një kacidhe në xhep. Gruaja u ndie mjaft mirë dhe ishte vetë Barry ai që zgjodhi punën që iu duk më e përshtatshme për të./tesheshi.com/
