Më në fund, qeveria e Kosovës ka vendosur të bëjë burrin me dy “r”, ndaj qeveritarëve serbë që hynin e dilnin në territorin e saj pa u hyrë gjemb në këmbë dhe duke sfiduar shtetin haptazi.
Marko Gjuri, shefi i Zyrës për Kosovën në qeverinë e Beogradit, ka planifikuar një vizitë në hënën në Kosovë, por siç mësohet, me një vendim të kreut të diplomacisë së Prishtinës, Enver Hoxhaj, thuhet se atij nuk do t’i lejohet hyrja.
Mediat kosovare thonë se ky vendim i Hoxhajt është marrë në konsultim me kryeministrin Isa Mustafa dhe institucionet e sigurisë së Kosovës.
Dhe ky shënon rastin e parë, si një pikë kthese, kur autoritetet e Prishtinës u “ngrejnë traun e kufirit” zyrtarëve serbë. /tesheshi.com/
