Sekretari i Lidhjes Arabe Ahmed Aboul Gheit drejtoi një takim në Kajro të shtunën duke dënuar operacionin ushtarak turk në veri-lindje të Sirisë, e quajtur atë një “pushtim të këtij shteti arab dhe një agresion kundër sovranitetit të tij”.
Diplomatët e lartë arabë thanë që Turqia shkel sovranitetin e Sirisë dhe kërcënon sigurinë dhe paqen rajonale.
Ata gjithashtu i bënë thirrje bashkësisë ndërkombëtare dhe Këshillit të Sigurimit të KB që të ushtrojnë presion ndaj Turqisë për tërheqjen e trupave nga Siria.
Por reagimi nga Ankaraja ka qenë tejet i ashpër. Zëdhënësi i Ministrisë së Jashtme turke, Hami Aksoy tha se pretendimet e Sekretarit të Përgjithshëm i Lidhjes Arabe ndaj Turqisë janë në mbështetje të krimeve të terroristëve dhe tradhtisë ndaj botës arabe.
Ai tha se arabët sirianë ishin viktimat e para dhe më të mëdha të politikës së spastrimit etnik të organizatës terroriste PYD / YPG / PKK.
Ai kujtoi se qindra mijëra arabë kishin lënë shtëpitë e tyre në lindje të Eufratit.
Aksoj tha se beson që Sekretari i Përgjithshëm i Lidhjes Arabe duhet të jetë zëri i botës arabe e jo të mbrojë teza si kjo kundër një operacioni paqesjellës për mijra civilë. /tesheshi.com/
