Një burim nga një agjenci shtetërore ruse e sigurisë bëri të ditur sot se tre qytetarët rusë të ndaluar në Antalja të Turqisë nga policia vendase për lidhje me ISIS-in ishin të lidhur me terrorizmin ndërkombëtar.
Burimi i mbetur anonim do t’i deklaronte agjencisë së lajmeve TASS se kishte informacion për tre qytetarët rusë që ata kishin lidhje me grupe të huaja terroriste.
Sipas burimit, njëri prej tyre ishte vënë më herët në listën e të kërkuarve si brenda Rusisë dhe jashtë saj, ndërsa dy të tjerët e patën lënë Rusinë me synimin e deklaruar për të studiuar në vendet e Lindjes së Mesme.
Ndërkaq, Ministria e Jashtme ruse ka informuar në faqen e saj elektronike se, duke iu referuar raportimeve policore, të arrestuarit nuk kanë pranuar të kenë kontakt me punonjësit konsullorë rusë.
Policia turke ka kryer sot një seri arrestimesh të personave të dyshuar për lidhje me ISIS-in, e mes tyre janë tre shtetasit rusë. Megjithatë, autoritetet turke nuk thonë ende në ata kanë lidhje me shpërthimin e djeshëm vdekjeprurës në Stamboll. /tesheshi.com/
