Dorëheqja e kryeministrit Ramush Haradinaj i ka hapur rrugë zgjedhjeve të parakohshme, të cilat sipas burimeve që posedon Radio Televizioni i Kosovës, pritet të mbahen me 8 shtator.
Sipas këtyre burimeve të RTK-së, Presidenti Hashim Thaçi ka vendosur që në përputhje me afatet kushtetuese dhe ligjore, të shpall zgjedhjet e jashtëzakonshme e të cilat do të mbahen në javën e dytë të shtatorit.
Sipas interpretimeve ligjore, pas rënies së qeverisë, zgjedhjet e jashtëzakonshme duhet të mbahen jo më herët se 30 ditë dhe jo më vonë se 45 ditë. Por, kjo vlen për datën pas mbledhjes së Kuvendit të Kosovës. Këtë herë nuk kemi të bëjmë me formim të ri të Kuvendit, prandaj nuk është e qartë nëse këto afate vlejnë edhe për këto rrethana. /tesheshi.com/
