PD deklaroi se qeveria ka dështuar në sektorin e energjisë, duke referuar për këtë konkludim Sekretariatit të Energjisë në Vjenë, sipas saj, institucioni me i rëndësishëm evropian për politikat energjetike.
Nga selia e demokratëve anëtari i Kryesisë Eno Bozdo, tha se Shqipëria është klasifikuar prej këtj Sekretariati si i vetmi vend në rajon që ka hedhur hapa prapa në këtë sektor strategjik.
Kreu i Sekretarit të Energjisë në Vjenë konfirmoi përkeqësimi në 4 drejtime:
- Shqipëria nuk ka bërë progres përsa i përket reformës në sektorin e energjisë elektrike. “Reformat e këtij viti janë vetëm në letër”- theksoi ai;
- Reformat strukturore te sektorit duhet të përshpejtohen. Ngecja e tyre po dëmton liberalizimin e sektorit si kusht i nevojshëm për shëndoshjen financiare të tij.
- Ka vonesa të mëdha të ndarjes së OSHEE në tre kompanitë e veçanta sipas Direktivave të BE-së dhe angazhimeve të marra nga qeveria shqiptare për liberalizimin e tregut. Kjo reformë mbi të gjitha do të jetë në dobi të konsumatorit familjar.
- Shqipëria po vuan mungesën e investitorëve të huaj në energjinë e rinovueshme. Kjo për shkak të politikave qeveritare, klimës së keqe për të bërë biznes dhe mungesës së sigurisë ligjore për kompanitë e huaja në Shqipëri.
Në këtë raport Shqipëria vlerësohet me ecuri shumë të ulët, me vetëm 50% të pikëve të mundshme. Ky rezultat është edhe më i ulët se viti i kaluar.
Qëndrimi i Sekretariatit është gjithashtu kritik kundrejt performacës së OSHEE. “Humbjet në sistemin e shpërndarjes janë të larta dhe kjo gjë po rrezikon financat e OSHEE. Kështu nuk mund të vazhdohet më”, – deklaroi Kopac.
Gjendja e vështirë financiare e OSHEE tashmë nuk është më sekret.
Mjaftoi vetëm një vit thatësirë për të nxjerrë zbuluar keqmenaxhimin financiar të kompanisë. Vetë kompania pohon se është në vështirësi të mëdha likuiditeti – u tha në deklaratën e PD-së.
Kujtojmë se një nga fushatat shteformuese të Ramës me ardhjen në pushtet, ishte ajo për pagesën një më një të energjisë elektrike, deri dhe duke ndëshkuar me burg individë që vidhnin energjinë. /tesheshi.com/
