Haxhi Giu, prokurori i Krujës, do mbetet në burg.
Gjykata e Krimeve të Rënda dha masën e sigurisë “arrest me burg” për të, i cili u arrestua pak ditë më parë.
Haxhi Giu akuzohet se kishte vendosur të përfitonte një shumë prej 29 mijë euro për të zbutur dënimin e një të akuzuari për trafik narkotikësh.
Por në burg, me të njëjtën masë sigurie mbeti dhe shtetasi Aleks Shporri, pikërisht ai i cili i ofroi shumën e madhe të ryshfetit prokurorit Giu për të lehtësuar dënimin e vëllait të tij.
Arrestimi i Haxhi Giut iu servir opinionit dhe në variantin video, si për të përçuar mesazhin se një erë e re antikorrupsion po fryn në sistemin e Drejtësisë, të kalbur nga korrupsioni.
Por një ditë më parë, ambasadori gjerman në Tiranë, Hoffman, dhë të kuptuar me anë të një deklarate se arrestimi në fjalë ishte i pamjaftueshëm për t`u bindur se vërtet po tentohet ç`rrënjosja e korrupsionit në Drejtësi. /tesheshi.com/
