Dy kryesuesit e kampionatit gjerman, bavarezët e Bajernit të Mynihut dhe Lajpcigu, i fituan takimet e tyre në transfertë këtë pasdite, duke i ruajtur pozicionet në vend të parë e të dytë.
Bajerni fitoi 1-3 në fushën e Augsburgut. Lewandowski i shënoi dy prej golave, e një mban firmën e Robben-it.
Lajpcigu mposhti Darmstadtin 0-2, me shënues të dy golave austriakun Marcel Sabitzer.
Bajerni i Mynihut dhe Lajpcigut janë dy prej tre ekipeve që nuk e kanë provuar ende humbjen në Bundesligë.
Në ndeshjet e tjera, Bajer Leverkuseni thelloi krizën e Volfsburgut, duke fituar 1-2 në “Volkswagen Arena”.
Mainzi fitoi pastër, 2-0, ndaj Ingolstadtit.
Pritet të luhet derbi i Ruhrit, mes Borusias së Dormundit dhe Shalkes.
Ekipet që mbajnë vendin e tretë, të katërt dhe të pestë në renditje do të luajnë nesër, në sfidat Hofenhajm – Herta e Berlinit dhe Këln – Hamburg. /tesheshi.com/
