Pas mbylljes së rrugë kalimit të refugjatëve përmes Ballkanit dhe Egjeut, numër gjithnjë më i madh i emigrantëve nga Turqia po gjejnë mënyra për të ardhur në Evropë përmes Bullgarisë, për ç’arsye Sofja po shqyrton mundësinë e ndërtimit të një muri në kufi me Greqinë dhe Turqinë, ka njoftuar gazeta gjermane Bild.
Një raport i Qendrës për analizë dhe strategji të përbashkët të emigrimin ilegal (GASIM), në përpilimin e të cilit kanë marrë pjesë edhe shërbimet sekrete, policia dhe agjenci tjera gjermane, në të cilat gazeta Bild ka pasur qasje, thotë se rritja e numrit të emigrantëve të
cilët hyjnë Bullgari tregon për lëshimet e zyrtarëve bullgarë me rastin e kontrollit të hyrjes në atë vend, gjë kjo që bie deri te rritja e aktiviteteve të kontrabandimit.
Raporti paralajmëron se në rast të zhvendosjes së rrugë-kalimit të emigrantëve, policia bullgare edhe ashtu e dobësuar si në aspektin e kuadrit ashtu edhe atë material, brenda një kohe të shkurtë do të mund të stërngarkohej, për shkak të mangësive financiare.
Bazuar në këtë raport, qeveria bullgare këtë verë do të shqyrtojë mundësinë e ndërtimit të një muri përgjatë disa pjesëve të kufirit me Greqinë, dhe të vazhdojë murin përgjatë kufirit me Turqinë, edhe për nja 160 km.
Marrë nga Bild
Përgatiti: Jeton Zenuni- /tesheshi.com/
