Ligjvënësit bullgarë kanë zgjedhur Kirill Petkov, kreun e partisë Ndryshim i Vazhdueshëm (PP), si kryeministër të vendit.
Për të votuan 134 deputetë në parlamentin prej 240 vendesh, raporton Reuters.
Petkov, 41 vjeç, një sipërmarrës i shkolluar në Universitetin e Harvardit, premtoi zero tolerancë ndaj korrupsionit në mënyrë që të ndihmojë në stimulimin e rritjes ekonomike.
Partia “Vazhdojmë me ndryshimin” fitoi zgjedhjet e 14 nëntorit, por nuk pati shumicën për të formuar qeverinë.
Më vonë arriti një marrëveshje për një koalicion qeverisës prej katër partish.
Zgjedhjet e treta
Zgjedhjet u thirrën sepse pas zgjedhjeve të fundit të korrikut në Kuvendin Kombëtar, shumica qeverisëse nuk arriti të formohej.
Si pas zgjedhjeve të prillit ashtu edhe atyre të korrikut, parlamenti ishte aq i ndarë sa që asnjë koalicion nuk ishte në gjendje të formonte një qeveri që do të pasonte qeverinë e ish-kryeministrit Bojko Borisov pas gati dhjetë vjetësh në pushtet.
Socialistët, partia e tretë më e fortë në vend, i kthyen mandatin presidentit Radev në tetor për dështimin në formimin e shumicës, duke dështuar që edhe dy partitë më të forta, populiste ITN (Ka një popull të tillë) dhe GERB, dështuan pas zgjedhjeve të korrikut. /tesheshi.com/
