Kryeministri i Maqedonisë, Zoran Zaev ka pritur në një takim zyrtar kryeministrin e Bullgarisë, Bojko Borisov. Në këtë takim u firmos Marrëveshja bilaterale për fqinjësi të mirë.
Sipas tyre marrëveshja është vlerësuar si historike dhe si pozitive për ardhmërinë evropiane nga ana e kryeministrave të të dyja vendeve. Ata po ashtu thanë se kjo marrëveshje përveç se është në interes të dy palëve, dërgon edhe një porosi shumë të qartë dhe pozitive drejt BE-së. Kryeministri bullgar, Bojko Borisov, në deklaratën e përbashkët pas nënshkrimit të marrëveshjes tha se rezultatet e saj do të jenë shumë të dukshme pas disa viteve.
“Do ta shihni reagimin e BE-së për këtë marrëveshje, dy shtetet pa ndërmjetësues arritëm marrëveshje për paqe, shoqërimi dhe fqinjësia janë më të rëndësishme se gjithçka. Jo rastësisht thonë njerëzit se duke shikuar prapa do të rrëzohesh. Për këtë shkak kemi vendosur të shikojmë përpara. Rezultatet do t’i shihni për një kohë. Termi histori e përbashkët është term i cili ofron perspektiva të përbashkëta dhe jo ndarje”, ka deklaruar Bojko Borisov.
Ndërkohë, kryeministri Zoran Zaev, tha se kjo marrëveshje është sukses i përbashkët dhe se nënshkrimi i saj dëshmon se ku ka vullnet politik mund të zgjidhen çështjet e hapura politike. Ai ka vlerësuar se më këtë veprim, Maqedonia dhe Bullgaria kanë treguar përgjegjësi ndaj qytetarëve dhe siguron thellim të bashkëpunim në shumë fusha.
“Jemi përcaktuar që të udhëheqim politika që ofrojnë zgjidhje dhe jo probleme. Tek Bullgaria vërejtëm partner konstruktiv për të arritur këtë qëllim. Kjo miqësi e jona është shembull se si një çështje që ka frenuar për vite, shndërrohet në motor lëvizës. Ky bashkëpunim do të ndihmoj në avancimin e infrastrukturës rrugore dhe gazifikues të dy vendeve. Dërgimi i mesazheve për fqinjësi është çështje e pjekurisë dhe për këtë shkak kjo marrëveshje është mesazh për BE-në dhe NATO-në se vendet kanë udhëheqësi politike që ndërtojnë ura. Bullgaria nga sot është mik edhe më i madh dhe aleat drejt perspektivave euroatlantike”, ka deklaruar kryeministri i Maqedonisë, Zoran Zaev.
Marrëveshja e nënshkruar sot duhet të ratifikohet në Kuvendet e të dyja shteteve. /tesheshi.com/
