Kryeministri Rama ka reaguar ashpër, si rrallë ndonjëherë pa ironi, karshi rivalit të tij historik, Sali Berisha. Shkak është bërë një deklarim i këtij të fundit mi ngjarjen në Bularat.
“…nje nje banor i Bularatit, anetar ne forcat e armatosura te Greqise ka hapur zjarr per motive ekstremiste edhe ndaj policise. Natyrisht ne çdo rast qe hapet zjarr drejt policise kesaj te fundit i lind e drejta ligjore te neutralizoj burimin e zjarrit.
Kur them te neutralizoje nenkuptoj me kete dorezimin e kriminelit qe hap zjarr, plagosjen e tij dhe se fundi edhe asgjesimin e tij kur dy te parat jane ta pamundura.
Pavaresisht aktit te denueshem qe vuri ne rrezik forcat e rendit, i shpreh ngushellime njerezore familjes se viktimes. Duke denuar disa reagime zyrtare te Athines por edhe te Tiranes, qe duan te perdorin rastin per qellime politike, konsideroj te nevojshme nje hetim te plote dhe transparent te kesaj ngjarje”, shkruan Berisha, për t’u pasuar nga ky reagim i Ramës:
“Deklarata e SB për Bularatin një pisllëk që mund ta bëjë vetëm një materie e biodegraduar deri në palcë. Sa shumë i dha Shqipëria këtij njeriu që do iki nga kjo botë pa lënë pas qoftë dhe një fjali për t’ua treguar fëmijëve apo një fjalim ku të mos duhet pulla e kuqe e alarmit”, shkruan Rama.
Me gjasë, fraza që e ka irrituar kreun e mazhorancës, është: “duke denuar disa reagime zyrtare te Athines por edhe te Tiranes, qe duan te perdorin rastin per qellime politike…”. Në këtë pikë, nuk dihet me saktësi nëse te “përdorimi për qëllime politike”, sipas Berishës fshihet vetë vrasja e minoritarit ekstremist. Por reagimi nervoz i Ramës këtu të çon. /tesheshi.com/
