Ka patur një fund tragjik një 24-vjeçar në Kosovë, i cili u gjet i pajetë pasi ra në një humnerë në Prevallë, në lartësitë e Sharrit. Jetëhumburi A.Gj. ishte nga Kaçaniku.
Ishin familjarët e tij të cilët njoftuan policinë e Kosovës pasi nuk po e gjenin njeriun e tyre dhe këta të fundit e shpallën të zhdukur. Pas kërkimeve të vazhdueshme, i riu u gjet pa shenja jete në një greminë.
Policia e Prizrenit raporton se ende nuk dihen shkaqet që çuan në ngjarjen fatale.
“Telefonatën e parë e kishim pranuar në ora 14:35, menjëherë kemi dalë në vendin e ngjarjes. Rreth orës 18:45 e kemi pranuar informacionin nga mjeku kujdestar që ka qenë në vendin e ngjarjes se viktima ishte pa shenja jete”, ka thënë Shaban Osmanollaj, zëdhënës për media në Drejtorinë Rajonale të Policisë në Prizren. /tesheshi.com/
