Një ortek që ndodhi në orët e vona të së shtunës në një zonë skijimi në Zvicër, u ka marë jetën dy të rinjve francezë, ndërkohë që dy të tjerë ndodhen ende të zhdukur.
Tragjedia ndodhi në Vallon d’Arbi. Dy trupat e pajetë u gjendën nga ekipet e shpëtimit gati 6 metra nën masën e dëborës. Mosha e tyre është 20 dhe 25 vjeç.
Ndërkohë vijon kërkimi për dy trupa të tjerë, me shpresën, ama shumë minimale, që mund të jenë ende gjallë. Ata janë të moshës 32 dhe 57 vjeç, njëri francez dhe tjetri zviceran.
Ky aksident është i fundit e një seri fatale që prekën skiatorët në Zvicër këtë sezon, ku edhe muajin e kaluar pati tre viktima, gjithnjë nga orteqet. /tesheshi.com/
