Artisti i fotografisë, Paul Harmon vizitoi fushat e goditura nga thatësira në basenin Murray-Darling për të treguar para gjithë botës paçmueshmërinë e ujit dhe përpjekjet për ta shfrytëzuar atë pa fre. Baseni ujëmbledhës që ka furnizuar dhe mbështetur jetën e njerëzve për mijëra vjet, përdoret për bujqësinë duke paraqitur në foto degëzime monumentale, nga kanalet e hapura për të marrë ujin drejt fushave. Seritë e tij inovative dokumentojnë një bukuri të ashpër e madhështore të krijuar nga uji dhe kërkesat e tepruara e të keq-perceptuara që njerëzit kanë ndaj burimit të jetës.
Barkandji. Seritë fotografike të Harmon “Shenjat e Ujit” tregojnë peizazhet në veriperëndim të kontinentit australian. Me secilin imazh të qepur së bashku prej 120 fotografimeve, të shkrepura nga droni brenda një limiti të ligjshëm prej 120 metrash, fotografitë duket se janë bërë nga një lartësi prej 2 apo 3 kilometrash. “Madhështore nga ajri, kjo bukuri fsheh një të vërtetë të shëmtuar ku digat e ndërtuara nga njerëzit punojnë për fermat e kafshëve, lopëve e dhenve, që po e shkatërrojnë mjedisin natyror”, thotë ai.
Wayilwan. Fotografitë janë shkrepur përgjatë fushave për menaxhimin e të cilave ka pasur kundërshti në basenin Murray-Darling, nga katër ekspedita brenda vitit. Harmon thotë se përveç bukurisë që nuk pritej të gjehej aty dhe problemeve të mëdha të rajonit, fotot tregojnë varësinë e njerëzimit nga uji.
Euahlayi. Toka e fotografuar përfshin disa kombe tradicionale, si Wayilwan, Euahlayi, Ngemba dhe Barkandji, liderët e komuniteteve të të cilëve kanë mbështetur projektin e Harmon. Nën drejtimin e klaneve, kishte një sistem të shëndetshëm të lumit dhe vegjetacioni mbulonte në harmoni tokën, që ishte e kërcënuar prej shfrytëzimit bujqësor. Dikur vend-takimi për ngjarje kulturore dhe tregtie, tashmë moçalet e liqeneve Narran janë reduktuar në pellgje vegjetative.
Barkandji. Për dhjetëra mijë vjet, lumenjtë kanë mundësuar mbështetje fizike dhe shpirtërore për popujt indigjenë që jetojnë përgjatë brigjeve të tyre.
Barkandji. Tashmë, bujqësia ka formësuar peizazhin për të mbështetur bizneset që varen nga sistemi ujor i lumit.
Barkandji. Artisti i njohur Badger Bates, një i moshuar i popullit Barkandji shkroi se projekti Harmon është “i bukur dhe i frikshëm në të njëjtën kohë”. Ai vazhdon: “Ne po përshkojmë një prej betejave më të ashpra që prej pushtimit të bardhë të këtij vendi, për të pasur njohje të të drejtave tona kulturore të menaxhimit të ujërave, sidomos të lumit Darling dhe fushave ujëmbledhëse të tij, kështu mund të ushqejmë kulturën tonë dhe ekosistemet tona. Lumi Barka (Darling) është thithur me sisteme drenazhimi aq shpesh sa kurrë në këto gjatë vjet dhe kjo përkeqësohet për çdo vit”.
Barkandji. Sistemi i lumit është në vështirësi. Pesë vjet me planin e basenit Murray-Darling kanë bërë që shkencëtarët të mendojnë se plani nuk po arrin t’i rikthejë shëndetin lumit.
Wayilwan. “Macquarie Marshes” kanë pasur pozicion ndërombëtar si një prej zonave kryesore të shumimit, me rëndësi edhe për pronarët vendas – por me fermat e pambukut që po e thajnë lumin, shumë pak zogj të egër mbeten në moçalishte.
Ngemba. “Shpresoj që të vërtetat e rënda që gjenden pas këtyre punimeve të shtojnë diçka në debatin për domethënien kulturore të vendit, vlerën e paçmuar të ujit dhe shëndetin në rënie të lumenjve Murray-Darling në Australi dhe peizazheve të tyre”, thotë Harmon.
Përgatiti: Juli Prifti – /tesheshi.com/
