Sapo ka mbaruar numërimin, komisioni i zgjedhjeve ka deklaruar zyrtarisht se kandidati opozitar, myslimani Muhammadu Buhari është fituesi i zgjedhjeve në Nigeri. Presidenti i komisionit, Attahiru Jega, ka specifikuar se Buhari ka marrë 15.424.921 vota, kundrejt 12.853.162, të marra nga presidenti në ikje i kristianëve, Goodluck Jonathan. E vetmja femër mes 12 kandidatëve, Remy Sonaiya ka arritur të marrë 13.076 vota.
Një gjeneral mysliman, diktator në fillim të viteve ’80, arriti të bëhej presidenti i Nigerisë, i cili e çoi vendin drejt rrugës demokratike.
Frikë nga përleshjet – Në momentin e shpalljes së fitores së tij, gjenerali Buhari është shprehur se ua kishte frikën “rrengjeve” të qeverisë. Më pas tensioni është ulur pasi Jonathan “dorëzoi armët”.
“Jonathan do të jetë përherë heroi ynë për këtë gjest. Tensioni në vend dalëngadalë, do të ulen tensionet”,- u tha atë ditë në Nigeri. Megjithatë, në pjesën veriore të vendit, ku Buhari ka fituar, zona përsëri ngelet e nxehtë për shkak të konfliktit dhe tensioneve.
Njeriu i duhur për të mposhtur Boko Haram– Buhari arriti të bashkojë të gjithë opozitën në një parti të madhe koalicioni, pas dhjetëra vitesh ndarje, ndërsa në fushatë u shfaq si ish ushtaraku dhe ish burri i fortë, i cili do të ishte i aftë të luftonte terrorizmin e Boko Haram. Kërcënimet e fondamentalistëve detyruan shtyrjen e zgjedhjeve me 6 javë, në mënyrë që të realizohej një minimum sigurie, e megjithatë, asnjë gjë nuk e ndali Baharin, të shpallej president i Nigerisë./tesheshi.com/
