Një burrë 40-vjeçar vdiq në një spital shtetëror në Indi pasi anëtarët e familjes së tij dyshohet se kishin shkëputur respiratorin, te i cili ai merrte frymë, për të ndezur kondicionerin.
Burri u pranua në spital disa ditë më parë pasi mjekët dyshuan se ai kishte koronavirus, dhe për shkak të vështirësisë në frymëmarrje, u vendos në një repart të izoluar posaçërisht për pacientët me COVID-19.
Mediat lokale deklarojnë se burri ishte në një gjendje kaq të rëndë sa që mjekët as nuk e testuan për COVID-19, por menjëherë e futën në një respirator dhe filluan terapinë.
Me sa duket, të hënën në mëngjes, i sëmuri indian u vizitua në spital nga familja e tij, të cilët nuk ishin të kënaqur me kushtet në të cilat ai po qëndronte.
Ndërsa sistemi ftohës qendror në spital ishte fikur për të parandaluar përhapjen e koronavirusit, ai ishte më shumë se 40 gradë në dhomën ku ishte shtrirë ky njeri.
Për shkak të kësaj, njëri prej anëtarëve të familjes solli një kondicioner të lëvizshëm, dhe për ta lidhur atë, ata e fikën rastësisht frymëmarrësin. Burri ndërroi jetë, dhe testimi pasues përcaktoi që pacienti nuk kishte koronavirus, por një formë të rëndë të sëmundjes pulmonare obstruktive kronike.
“Kur ata shkëputën respiratorin nga furnizimi me energji elektrike, pajisja kaloi automatikisht në furnizimin me energji rezervë, d.m.th në njësinë me baterinë. Megjithatë, bateria doli jashtë funksioni pas gjysmë ore, pas së cilës pacienti vdiq. Kur vuri re se diçka nuk ishte në rregull, familja thirri stafi,, por tashmë ishte vonë. Autopsia tregoi se pacienti vdiq nga mbytja”, tha Dr. Navin Saxena nga Spitali Mahims Bimsing. /tesheshi.com/
