Një tjetër qëndrim është shprehur nga Brukseli se Kosova duhet ta heqë taksën doganore ndaj Serbisë e Bosnjës, e kjo pa u marrë në konsideratë kushtëzimet e Prishtinës.
Pozita e Bashkimit Evropian nuk ndryshon dhe ne besojmë se taksa duhet të hiqet, në mënyrë që t’i hapet rrugë vazhdimitë të dialogut për normalizimin e marrëdhënieve mes Serbisë dhe Kosovës – tha zëdhënësja Maja Koçijançiç.
“Një marrëveshje gjithëpërfshirëse, ligjërisht e detyrueshme për normalizimin e plotë të marrëdhënieve ndërmjet Serbisë dhe Kosovës kërkon një klimë që kontribuon në marrëdhënie të mira fqinjësore, e në këtë drejtim edhe zbatimin e plotë të marrëveshjeve të kaluara”, theksoi ajo.
Nga ana tjetër, edhe pse tashmë po ka presion dhe nga Uashingtoni, Haradinaj nuk jep shenja tërheqjeje. Siç ka thënë ai, mjafton qoftë dhe një garanci ndërkombëtare se Serbia do e njohë Kosovën dhe taksa hiqet menjëherë. /tesheshi.com/
