Kryeqyteti belg do të jetë edhe një javë tjetër i mbikëqyrur nga forca të shumta policore e ushtarake, teksa niveli i alarmit do ta ruajë nivelin e tij më të lartë.
Ushtria dhe policia do të vazhdojnë të jenë të pranishme ngado, kurse do të minimizohen sa të jetë e mundur aktivitetet ku ka grumbullime të mëdha njerëzish.
Ndërsa kërcënimi për akte terroriste është ende i pranishëm, shkollat dhe metroja do të hapen nga e mërkura, siç njofton kryeministri i vendit, Charles Michel.
“Shkollat në Bruksel kanë për t’u hapur të mërkurën, gjithashtu dhe metroja. Sa për metronë, kjo mund të bëhet fazë-fazë.”
“Ne duam që në mënyrë progresive t’i kthehemi normalitetit,” deklaroi kryeministri belg. /tesheshi.com/
