Komisioni Europian u ka dërguar një letër sqaruese autoriteteve shqiptarem në lidhje me qëndrimin e Brukselit për Ligjin e shumpërfolur të Teatrit; pra atij që i hap rrugë shembjes të godinës ekzistuese, për t’u ndërtuar një teatër i ri. Në letër thuhet se ligji nuk e shkel MSA-në, siç është pretenduar nga opozita. Dhe kjo ka gjë ka entuziazmuar mazhorancën, ku ai që ka reaguar është kryebashkiaku Veliaj.
“Lajm i shkëlqyer Letra e KE për Teatrin e Ri! Kush kërkoi përgjigje nga BE, tani e ka dhe s’duhet ta pengojë progresin! Teksa ligji nuk shkel MSA, kemi shansin ta bëjmë dhe më të mirë akoma! Tani që pengesat ranë, le të bashkohemi dhe të ecim përpara!”, shkroi Veliaj.
Por ka dhe një lexim tjetër. Opozita thotë se në letrën e KE-së diktohet amendimi i ligjit, për ta bërë garën të hapur.
“Në letër thuhet qartë se qeveria dhe bashkia kanë shkelur procedurat e prokurimit të hapur”, u shpreh deputetja demokrate Tabaku. Të njëjtin vlerësim ka dhënë dhe deputeti Pollo, ku ka potencuar kërkesën për konkurim në përzgjedhjen e firmës ndërtuese. Ndërkohë siç dihet, qeveria ka përcaktuar “Fusha sh.p.k.”, si ndërtuesën e Teatrit të ri Kombëtar. /tesheshi.com/
