Presidenti i Këshillit Evropian Charles Michel do të vendosë marrëdhëniet me Rusinë në axhendën e një takimi të liderëve të Bashkimit Evropian, u njoftua të martën në Bruksel.
Ai gjithashtu tha se BE nuk do të frikësohet nga qëndrimi agresiv i Moskës.
Kabineti i Mishel deklaron se konsultimet e presidentit me udhëheqësit e BE mbi marrëdhëniet e ardhshme me Rusinë janë duke u zhvilluar dhe se Ministri i Jashtëm i BE Josep Borrell ka mbështetje të plotë për punën e tij.
Një zëdhënës i presidentit të Këshillit Evropian thekson se BE mbetet e bashkuar në kërkesën e saj për lirimin e udhëheqësit rus të opozitës Alexei Navalny dhe se Michel dënon dëbimin e tre diplomatëve të BE.
“BE nuk do të frikësohet,” tha një zëdhënës i Këshillit Evropian.
Këshilli Evropian konsideron se pozicioni agresiv rus, i treguar gjatë vizitës së Borrell në Moskë, tregon se “Rusia nuk është e interesuar për dialog”, madje edhe në ato zona ku bashkëpunimi mund të jetë me interes reciprok ose global. /tesheshi.com/
