Ekipi i ekspertëve i angazhuar nga Komisionit Evropian (KE) ku ndër të tjera merr pjesë edhe eurodiplomati i njohur Reinhard Pribe, ish prokurori shtetëror i Irlandës dhe ish shef e departamentit për luftë kundër mafias në Itali, gjatë javëve të fundit ishte në mision special në Maqedoni, me qëllim që nga afër ta skanojnë gjendjen në disa sfera problematike.
Zëvendëskryeministri për eurointegrime Fatmir Besimi theksoi se Brukseli po përgatit raport special të cilin duhet ta plotësojë në mënyrë plotësuese marrëveshja politike që pritet të arrihet ndërmjet liderëve të partive politike.
Në raport, sipas Besimit, do të regjistrohen projektet konkrete të cilët do të duhet të realizohen gjatë periudhës transitore deri në mbajtjen e zgjedhjeve të ardhshme parlamentare. /tesheshi.com/
