Kreu i Zyrës së BE-së në Tiranë, Luigi Soreca, i ka përcjellë një apel politikës në shqiptare – në dukje kjo, pasi apeli shkon direkt për opozitën, që t’i rikthehet normalitetit në funksion të hapjes së negociatave.
“Shqipëria ka bërë përparim të konsiderueshëm nga qershori i kaluar, por ka ende shumë punë deri në qershor. Tani është koha për të kapërcyer dallimet partiake dhe për të dialoguar. Për të mbrojtur interesat e popullit shqiptar që dëshiron të vazhdojë rrugëtimin drejt #BE-së“, shkruan Soreca.
Reagimi i tij ka ardhur pasi një përfaqsi e 28 vendeve anëtare të BE-së zhvilluan këtë të martë takime presidentin Ilir Meta dhe kryeminsitrin Edi Rama.
Ata ndodhen në Tiranë për të vëzhguar progresin përpara zgjedhjeve të qershorit, si një kriter për hapjen e negociatave.
Por kriza politike si pasojë e aktit ekstrem të opozitës me djegie mandatesh, edhe në Bruksel po përkthehet si një qëllimësi për të penguar hapjen e negociatave. /tesheshi.com/
