Për dallim nga politikanët kosovarë që çdo ditë japim premtime e afate kohore për heqjen e vizave këtë nuk e ka bërë as me rastin e Ditës së Evropës, shefja e Zyrës së BE-së në Kosovë, Natalya Aposotolova, vetëm i ka bërë thirrje institucioneve kosovare ta luftojnë korrupsionin.
“Nuk dua ta përfshij veten me afate kohore, pasi vendimi për udhëtimin e lirë pa viza do të merret nga vendet anëtare, kështu që ne nuk mund të flasim në emër të tyre, por inkurajojë institucionet e Kosovës që të vazhdojnë me punën në luftën kundër krimit të organizuar dhe korrupsionit dhe të fuqizojnë institucionet dhe sundimin e ligjit. Të gjitha këto do të ndihmojnë vendet anëtare të marrin vendim pozitiv”, tha Apostolova, pas hapjes së panairit të arsimit me shtetet anëtare në BE, pikërisht në Ditën e Evropës, ku ambasadat e shteteve të huaja në Kosovë do të ofrojnë mundësi informacioni për bursa në shtetet e tyre.
Apostolov më tej tha se shpreson që shumë shpejt do të jenë në gjendje të kremtojnë Ditën e Evropës me Kosovën si pjesë përbërëse e familjes evropiane.
Ndërsa ministrja e Integrimeve Evropiane, Dhurata Hoxha, bëri deklaratën e saj të përditshme ku tha se “ne shpresojmë që deri në fund të këtij viti qytetarët tanë do të mund të lëvizin të lirë”. /tesheshi.com/
