Agjencia Evropiane e Barnave dhe eurodeputetët paralajmëruan të mërkurën se vaksinat kundër COVID-19 nuk duhet të aprovohen me ngut, e ky si reagim ndaj faktit se i Britania e Madhe ishte e para që miratoi një vaksinë, atë të zhvilluar nga Pfizer dhe BioNTech. Pra, një vaksinë amerikano-gjermane, e jo fjala vjen të sajën, atë të AstraZeneca dhe Oksfordit.
Vendimi britanik u mor nën procedurë jashtëzakonisht të përshpejtuar për shkak të situatës emergjente, raportoi Reuters.
Agjencia Evropiane e Barnave (EMA), e cila njoftoi të martën se do të vendosë nëse do të miratojë vaksinën e Pfizer më 29 dhjetor, shpjegoi se procedura e saj më e gjatë e miratimit të vaksinimit është më e përshtatshme sepse bazohet në më shumë prova dhe kërkon më shumë kontrolle sesa një procedurë urgjente, siç veproi Britania.
Ndaj, edhe eurodeputetët kritikuan vendimin britanik.
“Unë e konsideroj këtë vendim si problematik dhe rekomandoj që vendet anëtare të mos e përsërisin procesin,” tha Peter Liese, një anëtar i Partisë Popullore Evropiane (EPP) dhe një anëtar i CDU i kancelares gjermane Angela Merkel.
“Disa javë kontroll i hollësishëm nga Agjencia Evropiane e Barnave është më e mirë se një aprovim i nxituar i vaksinimit të nxituar,” tha Liese.
Sipas rregullave të BE, vaksina Pfizer duhet të miratohet nga EMA, por shtetet anëtare mund të zbatojnë një procedurë emergjente për shkak të një situate emergjente që i lejon ata të shpërndajnë vaksinën në tregun e brendshëm për përdorim të përkohshëm.
Britania duhet t’i përmbahet rregullave të BE deri në fund të vitit derisa të skadojë periudha kalimtare.
“Padyshim që ekziston një garë globale për të marrë vaksinën në treg sa më shpejt të jetë e mundur,” tha Tiemo Wolken, një socialdemokrat në PE.
“Megjithatë, unë besoj se është më mirë të marrësh kohën e nevojshme dhe të sigurohesh që cilësia, efikasiteti dhe siguria janë të garantuara dhe se vaksina plotëson standardet e BE”, shtoi ai. /tesheshi.com/
