Në kohën kur Kosova ka hyrë në një krizë të përsëritur institucionale për herë të dytë brenda tri viteve, komuniteti ndërkombëtar po bën thirrje që partitë e përfaqësuara në Kuvend t´a tejkalojnë ngërçin.
Pas dështimit të vazhdimit të seancës së djeshme, drejtorja për Ballkanin Perëndimor në Bashkimin Europian, Angelina Eichhorst, porositi deputetët që të veprojnë me përgjegjësi dhe ta kryejnë procesin e lënë në gjysmë të konstituimit të Kuvendit.
“Kuvendi i Kosovës duhet të konstituohet. Partitë parlamentare duhet të veprojnë me përgjegjësi, t’i përmbushin obligimet ligjore e kushtetuese”, tha Eichhorst në një reagim në Twitter.
Gjithashtu, shtetet që përbëjnë QUINT-in (ShBA, Britania e Madhe, Franca, Gjermania e Italia) kërkuan nga deputetët që të mos i bojkotojnë seancat dhe të gjejnë zgjidhje për të dalë nga bllokada. /tesheshi.com/
