Pas 5 ditësh, Prishtina e Beogradi do jenë ballë për ballë në Bruksel, në takimin e radhës mes tyre, që vjen pas tensionimit të raporteve mes dy vendeve pas rastit të “murit” dhe “trenit provokativ”. Takimi është njoftuar nga Shefja e politikës së jashtme të Bashkimit Evropian, Federica Mogherini.
Në një njoftim të zyrës së saj, të cituar nga Zëri i Amerikës, thuhet se “zhvillimet e ditëve të fundit kanë shtruar nevojën e një përkushtimi dhe angazhimi të shtuar nga të dyja palët në bisedime. Përparimi në normalizimin e marrëdhënieve ndërmjet Kosovës dhe Serbisë mbetet i një rëndësie të madhe për të dyja palët, për Bashkimin Evropian dhe Ballkanin perëndimorë në tërësi”.
Ky takim i 24 janarit do shënojë dhe pikën më të lartë të interesimit të opinionit për atë çfarë do bisedohet mes dy palëve, në një kohë që nga disa segmente janë ngehur dhe armët. /tesheshi.com/
