Kreu demokrat Basha shpërndau të tjera foto nga takimet bryl më bryl me biznesin, duke mbajtur dhe maskë. Në një fushatë ç’karantimi i politik, startuar një ditë më parë, ai po denoncon atë që e quan dështim të qeverisë për t’ju bërë krah biznesit nën krizën pandemike.
“Sa më shumë qytetarë takoj aq më prezent bëhet shqetësimi për rrënimin e ekonomisë shqiptare.
Faturat dhe taksat e larta, rënia drastike e konsumit por edhe mungesa totale e ndihmës nga ana e qeverisë Rama po e çojnë biznesin në kolaps dhe qytetarët drejt varfërisë së pashmangshme.
Sot në Shqipëri ka 10 herë më shumë të papunë prej keqmenaxhimit të krizës nga Rama, krahasuar me vendet e tjera të rajonit.
Të rinisësh normalitetin pa strategji dhe pa ndihmë konkrete siç bën Rama do të thotë t’i çosh qytetarët drejt krizës së thellë ekonomike dhe greminës së mjerimit.
Pandemia ekonomike ka prekur shumicën e familjeve shqiptare që sot më shumë se kurrë kanë nevojë për ndihmë dhe mbështetje konkret”, shkruan njeriu që udhëheq opozitën. /tesheshi.com/
