Siç ishte planifikuar, kryeministrja serbe Ana Bërnabiç mbërriti në Mitrovicë të Veriut, duke iu rezervuar një pritje ku në një prej pankartave lexohej:
“Derisa e kemi presidentin e Serbisë, Aleksandar Vuçiç dhe Anën tonë, ne nuk i druhemi asgjëje”.
Kjo është vizita e parë e Bërnabiç në Kosovë që kur është zgjedhura në krye të qeverisë serbe në 2017-ën.
Më 2 shtator, autoritetet e Kosovë lejuan vizitën e saj në përputhje me Marrëveshjen e Brukselit për vizitat e ndërsjella të zyrtarëve politikë.
Kjo vizitë e saj vjen në një kohë posttensioni për shkak të reprocitetit të në kufi të dikuar nga Prishtina, në lidhje me letërnjoftimet dhe targat. Për të parat u arrit një marrëveshje, për të dytat jo.
Duhet kujtuar se këto lloj vizitash të krerëve të Beogradit në Kosovë ngjajnë në frymë me atë të Millosheviçit në 89-ën në Gazimestan, Prishtinë, ku ai përcolli mesazhe për “serbë që duhej të mbroheshin”(nga shqiptarët), gjë që më pas solli shpërthimin e një nacionalizmi që provokoi luftra gjakatare me shpërbërjen e Jugosllavisë, e fundit në Kosovë.
Pankarta për Brnabiçin të njëjtën frymë përcjell, duke e parë atë si shpëtimtare nga shqiptarët. Kjo pasi dhe Beogradi ushqen mitin vetëpersekutues, një lloj kredoje historike spekullative për të justifikuar ambicie nacionaliste. /tesheshi.com/
