Ministria britanike e Mbrojtjes ka njoftuar një metodë të re të organizatës famëkeqe mercenare ruse Wagner Group, qëllimi i së cilës është të sigurojë që komandantët e tyre të mos vdesin në luftë.
“Grupi ushtarak rus Wagner vazhdon të marrë drejtimin në luftimet rraskapitëse rreth qytetit Bakhmut në rajonin e Donetskut. Në muajt e fundit, ai ka zhvilluar taktika sulmuese për të shfrytëzuar numrin e madh të të burgosurve të trajnuar dobët që ka rekrutuar,” thuhet nga britanikët.
Të burgosurve u jepet një smartphone ose tabletë që tregon boshtin e tij të përparimit si dhe objektivin e sulmit.
Nga ana tjetër, komandantët e Wagner-it janë të fshehur dhe japin urdhra me radio dhe marrin informacion për lëvizjet e tyre përmes transmetimeve video të regjistruara nga mjete ajrore pa pilot.
“Individët dhe njësitë ushtarake urdhërohen të vazhdojnë përgjatë një rruge të planifikuar paraprakisht, shpesh me mbështetje zjarri, dhe më rrallë me automjete të blinduara“, thotë shteti britanik.
Operativët e Wagner-it që devijojnë nga rrugët e tyre të sulmit pa autorizim ka të ngjarë të përballen me ekzekutim.
“Këto taktika brutale kanë për qëllim ruajtjen e komandantëve me përvojë dhe mjeteve të blinduara të Wagner-it, në kurriz të të dënuarve-të rinjve më të disponueshëm, të cilët organizata i konsideron të shpenzueshëm”, sipas inteligjencës britanike. /tesheshi.com/
