Procesi politik mes konservatorëve në Britani është përshpejtuar, duke paralajmëruar hapjen e një faqeje të re pas së mërkurës, kur vendi do të ketë dhe një kryeministër të ri.
David Cameron ka deklaruar se do të japë dorëheqjen të mërkurën, e nuk do të jetë më kryeministër i vendit. Ai pritet ta mbajë mbledhjen e fundit të kabinetit ditën e nesërme, për të paraqitur më pas dorëheqjen.
“Kështu ne do të kemi një kryeministër të ri në ndërtesën pas meje nga mbrëmja e së mërkurës,” u tha Cameron gazetarëve jashtë zyrës së tij në Downing Street.
Detyrë të cilën do ta marrë Theresa May, e cila deri më tash ka kryer detyrën e Sekretares së Shtetit për Punët e Brendshme. Ajo do të ketë detyrën e vështirë të bisedimeve për daljen e Britanisë nga BE-ja.
Vetë ajo e mbështeti qëndrimin e Britanisë në unionin europian, por nuk u shqua gjatë procesit të referendumit.
“Brexit do të thotë Brexit,” deklaroi Theresa May, duke lënë të kuptohet se do ta respektonte votën e referendumit.
Theresa May do të bëhet kështu kryeministrja më e re e Mbretërisë së Bashkuar. /tesheshi.com/
