Liz Truss u emërua sot liderja e Partisë Konservatore në pushtet dhe njëherësh kryeministrja e ardhshme e Britanisë së Madhe, e gatshme të marrë drejtimin ndërsa vendi përballet me rritjen e kostove të jetesës dhe recesionit.
Pas disa javësh me humor shpesh të keq dhe grindje të brendshme në udhëheqjen e partisë, ku Truss u përplas me Rishi Sunak, ish-ministrin e financave, njoftimi i sotëm çon përfundimisht në dorëzimin e detyrës nga Boris Johnson. Ai u detyrua të jepte dorëheqjen në korrik pas muajsh skandale.
BREAKING: Liz Truss will become the next prime minister after defeating Rishi Sunak in the Conservative Party leadership contest.
Ms Truss received 81,326 votes vs 60,399 for Mr Sunak.
Read more here: https://t.co/gARVTCAIVU
📺 Sky 501, Virgin 602, Freeview 233 and YouTube pic.twitter.com/SJDvcOEwxY
— Sky News (@SkyNews) September 5, 2022
Truss do të udhëtojë në Skoci për t’u takuar me Mbretëreshën Elizabeth, e cila do t’i kërkojë kryeministres së re që të formojë sa më shpejt një kabinet të ri, raporton France 24.
Ajo ka qenë prej kohësh kryesuesja në garën për të zëvendësuar Johnson. Truss u bë kryeministri i katërt konservator që nga zgjedhjet e vitit 2015. Gjatë kësaj periudhe, vendi është përshkuar nga kriza në krizë dhe tani po përballet me atë që parashikohet të jetë një recesion i gjatë i nxitur nga inflacioni që arriti në 10.1 për qind në korrik.
Liz Truss says it's an "honour" to be elected leader of the Conservative Party after "one of the longest job interviews in history," paying tribute to rival Rishi Sunak
Tomorrow she will become the next UK prime minister, succeeding Boris Johnson. Latest: https://t.co/9Ct40LkAWI pic.twitter.com/xac8QPRiyx
— Bloomberg UK (@BloombergUK) September 5, 2022
Truss, 47 vjeçe, u zotua të veprojë shpejt për të trajtuar krizën e kostos së jetesës në Britani, duke thënë se ajo do të dilte me një plan brenda një jave “për t’u marrë me rritjen e faturave të energjisë dhe për të siguruar furnizimet e ardhshme të karburantit”.
Në deklaratën e parë, ajo tha:
“E falënderoj kundërshtarin tim Rishi Sunak. Falënderoj edhe liderin në ikje, mikun tim, Boris Johnson. Boris, e përfundove Brexit, shkatërrove Putin. Admirohesh në Kiev. Kjo është partia më e madhe politike në tokë. E di që besimet e tona përfaqësojnë qytetarët britanikë. Kam garuar si konservatore dhe do të qeveris si e tillë. Do shkurtoj taksat dhe do rris ekonominë. Do ndihmoj në përballimin e rritjes së çmimit të energjisë elektrike. Ne të gjithë do të përdorim talentet e partisë për të mirën e vendit. Miqtë e mi, e di se do të japim dhe vetëm do të japim,” tha Truss.
