Për mijëra ndjekësit e saj, faqja e Facebook, “Shenja shqetësuese” ofron materiale të sikletshme për Britaninë e post-referendumit. Që kur Britania e Madhe votoi për t’u larguar nga Bashkimi Europian, përdoruesit e medias sociale kanë ndarë histori ksenofobie, me raportime të njerëzve të cilëve u është thënë “ikni në shtëpi” apo edhe më keq se kaq.
Të shqetësuar nga postimet “pabesueshmërisht të trishta”, tre mikesha nga tre vende të ndryshme të Anglisë hapën këtë grup Facebook-u për të paraqitur krimet e dyshuara të urrejtjes. “Shenjat shqetësuese” u nisën si një koleksionim tuiterimesh apo postimesh në rrjetet e tjera sociale pas rezultateve të referendumit të 24 qershorit. Faqja pati kaq shumë “share” sa tre mikeshat Sarah Childs, Natasha Blank dhe Yasmin Ëeaver vendosën të krijojnë një grup të dedikuar, duke bashkuar më shumë se 400 postime.
Grupi që nga ajo kohë, është rritur me 18 mijë anëtarë. Në të njëjtën kohë, faqja e internetit që mbështetet nga policia, “Vizionii vërtetë”, e që u mundëson njerëzve të raportojnë krime e urrejtjes ka përjetuar një rritje pesëfishe, me 331 incidente të raportuara krahasuar me një mesatarev prej 63 të tillash në javë. Të dhënat nuk janë të ndara me zona, por disa persona kanë raportuar detaje të raportimeve që ata vetë kanë marrë. Policia e Mançesterit tha se ka dëshmuar një rritje prej 50 për qind në një javë.
Blank, një profesioniste e marketingut 31-vjeçare nga Mançesteri thotë se janë më shumë se 400 imazhe që janë ndarë me grupin, por ajo beson se ka edhe shumë më tepër pasi njerëzit janë të frikësuar të raportojnë publikisht, me emrin e vërtetë në Facebook.
Duke pasur këtë parasysh, grupi ka krijuar edhe një formë online ku raportohen incidentet pa dalë hapur në Facebook. Ajo thotë: “vetëm raportimet e policisë nuk e japin panoramën e vërtetë. Për shumë njerëz e vetmja mënyrë që dinë për të kontaktuar policinë është telefonimi në 999. Shumë nuk janë në dijeni të numrit të emergjencave e kjo do të thotë se shumë raste kalojnë të paraportuara”. Forma online synon që secili që dëshiron të ndajë detajet e krimeve të urrejtjes, ta bëjë këtë pa u identifikuar. Sidoqoftë, Blank thotë se kjo nuk është një formë raportimi zyrtar, dhe kushdo që dëshiron të raportojë në polici, duhet të ndjekë pikërisht rrugën zyrtare.
Tre mikeshat që janë takuar ndërsa studionin në universitetin e Birmingamit, komunikojnë përditë përmes skajpit. Natasha Blank dhe dy mikeshat e saj po dokumentojnë kështu postimet në median sociale që dyshohen për rracizëm dhe ksenofobi që nga referendum. Ato thotë se nuk prisnin që komuniteti të grumbullohej kaq shumë rreth grupit dhe të ndante me të kaq shumë histori.
“Eshtë e mrekullueshme por në të njëjtën kohë edhe pabesueshmërisht e trishtueshme. Ne duma që njerëzit të ndjehen mirë dhe të dinë se kanë një vend këtu”. Edhe Twitter njoftoi se do të punojë me të tjerët për të menaxhuar “shkaqet rrënjësore” të krimeve të urrejtjes. Një zëdhënës i kompanisë tha: “sjellja e urrejtshme nuk ka vend në Twitter dhe ne do të vijojmë të kontrollojmë këtë çështje së bashku me partnerët tanë të industrisë dhe shoqërinë civile”.
Mark Hamilton nga Këshilli i krerëve të policisë kombëtare thotë se ka pasur një rritje të madhe të krimeve të urrejtjes në fundjavën që pasoi referendumin, dhe janë raportuar disa shembuj të neveritshëm të abuzimeve rracore në të gjithë vendin. “Ne po monitorojmë nga afër situatën dhe po punojme me forcat e tjera që të kemi një panoramë të plotë të tensioneve dhe krimeve të urrejtjes”.
“Angazhimi qeveritar për një plan të ri veprimi në menaxhimin e krimeve të urrejtjes shpreh nevojën që një spektër i gejrë organizatash të bashkohen dhe të punojnë ngushtë me ata që janë të prekur nga krimet e urrejtjes për të rritur raportimet dhe për të parandaluar abuzimet”.
Përgatiti: Juli Prifti – /tesheshi.com/
