Statusi i Gjibraltarit është bërë sërish objekt kundërshtish mes Spanjës dhe Britanisë së Madhe të cilat janë në konflikt në lidhje me juridiksionin mbi territorin e ngushtë në cep të gadishullit Iberik.
Zyra e Jashtme e Britanisë protesoi të hënën për atë e quan shkelje të qartë të sovranitetit. Marina Mbretërore Britanike shoqëroi jashtë ujërave përreth Gjibraltarit dy anije të policisë spanjolle. Britania e konsideron territorin pjesë të saj.
Ndërsa zyrtarët spanjollë hodhën poshtë akuzat për shkelje të sovranitetit, duke deklaruar se po patrullonin “në ujëra spanjolle”. Anijet e policisë spanjolle ishin duke ndjekur barkat e trafikantëve të drogës.
Gjibraltari iu dha Britanisë nga Spanja në vitin 1713, por Spanjë së fundmi ka deklaruar pretendime për ta rimarrë atë.
Në shtator 2013, kryeministri spanjoll, Rajoy i tha Asamblesë së Përgjithshme të OKB-së se statusi i Gjibraltarit duhet të rinegciohet e territori t’i kalojë Spanjës. “Gjibraltari është e vetmja koloni e mbetur në shekullin e 21”, tha ai në atë kohë. /tesheshi.com/
