Britania e Madhe dhe Gjermania mbeten të përkushtuara ndaj marrëveshjes bërthamore me Iranin, edhe pasi Shtetet e Bashkuara njoftuan se nuk konsiderojnë që kjo marrëveshje është në interes të këtij vendi, njofton Reuters.
Kjo është thënë pas bisedës telefonike mes kryeministreve të të dyja vendeve, Theresa May dhe Angela Merkel.
“Ato ranë dakord që të dyja vendet të mbeten të vendosura fort për zbatimin e marrëveshjes,” është thënë gjatë bisedës.
Është raportuar se kryeministret besojnë se bashkësia ndërkombëtare do të vazhdojë të bëjë presion kundër rolit të Iranit në destabilizimin e rajonit, dhe se është e nevojshme të bëhen përpjekje për të gjetur një mënyrë të adresimit të shqetësimeve rreth programit të raketave balistike iraniane. /tesheshi.com/
